რატომ ვერ გატეხავენ ჰაკერები ჭკვიან საკეტს

ჭკვიანი საკეტი ადამიანების ყოველდღიურობას ამარტივებს და მეტად კომფორტულს და უსაფრთხოს ხდის, თუმცა, ბევრს აშინებს ის ფაქტი, რომ ამ ტიპის მოწყობილობები ინტერნეტთანაა დაკავშირებული.

ბევრს უჩნდება კითხვა, რამდენად დაცულია სახლი და თუ არსებობს იმის საშიშროება, რომ ჰაკერებმა დისტანციურად გააღონ ჭკვიანი საკეტი?

პასუხი მარტივია: ჰაკერებისთვის ჭკვიანი საკეტის გატეხვა თითქმის შეუძლებელია. რატომ? მოდი, ერთად განვიხილოთ:

რთული შიფრაცია

ჭკვიანი საკეტების უმეტესობა მონაცემთა შიფრაციის უახლეს მეთოდს იყენებს.

ეს დაახლოებით იგივეა, რასაც ბანკები და სხვა ფინანსური ინსტიტუტები იყენებენ საკუთარი კლიენტების დასაცავად. ამგვარი დაცვის გატეხვას თანამედროვე ტექნოლოგიებითაც კი უამრავი დრო დასჭირდება, ამიტომ ჰაკერები ამის ნაცვლად, უფრო მარტივ სამიზნეებზე ნადირობენ, რომლებსაც ნაკლები დაცვა აქვთ. 

ფიზიკური უსაფრთხოება

ნუ დაგვავიწყდება, რომ ჭკვიანი საკეტი ფიზიკური მოწყობილობაცაა. ისინი ისევე ძნელად ტყდება, როგორც ჩვეულებრივი საკეტები.

მაშინაც კი, თუ ჰაკერი დისტანციურად შეძლებს სისტემაში შეღწევას, მას ფიზიკური ბარიერის გადალახვა მაინც მოუწევს. ჭკვიან საკეტებს ხშირად აქვთ სპეციალური უსაფრთხოების მექანიზმები, რომლებიც გარე ჩარევისგან იცავენ. 

პრიორიტეტები

ჰაკერებისთვის დრო ყველაზე მნიშვნელოვანი რესურსია, რადგან ცდილობენ, რაც შეიძლება ნაკლები ძალისხმევა დახარჯონ და მეტი სარგებელი მიიღონ.

ჭკვიანი საკეტები მათთვის ნაკლებად საინტერესოა, რადგან მათ გატეხვას დიდი დრო და რესურსი სჭირდება, ხოლო მიღებული სარგებელი თითქმის არაფერია. 

როგორ დავიცვათ თავი

მიუხედავად იმისა, რომ ჭკვიანი საკეტები თავისთავად უსაფრთხოა, მაინც უნდა დავიცვათ რამდენიმე მარტივი წესი:

ყოველთვის გამოიყენეთ ძლიერი პაროლი და ორფაქტორიანი ავთენტიფიკაცია, თუკი საკეტს ასეთი ფუნქცია აქვს.

რეგულარულად განაახლეთ საკეტის პროგრამული უზრუნველყოფა, მწარმოებლები მუდმივად მუშაობენ უსაფრთხოების გაუმჯობესებაზე.

არასოდეს დაუკავშიროთ თქვენი ჭკვიანი საკეტი დაუცველ საჯარო Wi-Fi ქსელებს.

და ბოლოს, არ გაუზიაროთ თქვენი პაროლები ან წვდომის კოდები უცხო ადამიანებს.